ياريت اشوف وجهة نظركم

+ عضو محترف +

وبالنسبة لقصة عفش البيت جميع العلماء والفقهاء اجمعوا ع انها حرام
وان شاء الله بقعد الزواج تبعى ما راح يكون عفش بيت لانو ما بوافئ ع شئ حرام
واخواتى 4 اتزوجوا وبدون عفش بيت

+ عضو محترف +

ياجماعه انو مش اني دفعت مهر غالي اني بحكي انو انا الصح ولازم هيك ومن هالحكي يا جماعة انا رديت ع سؤال اما موضوعي هو اني بدي اعرف رايكو بالمهر المعتدل والمهر القليل واكتر شي هالايام مع التعليل لنستفيد كلنا

كلامك يا محمد صحيح 6 كتير وانا بعاتب اي اب بيطلب هيك لانو بجد كتير بس انا وربي بيشهد علي انو مهري انا دفعتو وعمي ما رضي يعطي رقم بالمرة لكن من وجهة نظري انو اي اب بيطلب ستة كتير كتير هيك اما اذا الشب مقتدر وهو حابب يدفع مهو كلو راح يرجع الو وين المشكلة!!

كلام صحيح احزان
بس موضوع العفش ما اعتقد صح لانو لو صح كان ولا محكمة شرعية بتعمل فيه وانا بصراحة ما سمعت اي فتوى من اي شيخ لانو الي بيوقعوا علي العقد قضاة وهما اعلم منا والله اعلم من الجميع

في امان الله

+ عضو محترف +

يلي سامع بيفكر انو عناااا القضاة علماء بالددين
القضاء عنا ما بيفهموا بالدين شئ
واكبر دليل حالات الطلاق وين اساليب الدين المتبعة فى تلك الحالة
اسال اي شيخ وراح يصدر الك الفتوى بالادلة
وانا ما بحكى من عندى الا لانى سمعتها وسالت فيها

+ عضو محترف +

طيب لنفرض القضاة ما بفهموا اشي

طيب واهل الدين بغزة ومفتي غزة وجميع المشايخ يعني ع كلامك كل يوم بيصير حرام واذا صار اشي حرام بالعقد فالعقد باطل ومصيبة وقتها وما حدا بسكت ف كيف ما حدا من المشايخ بغزة ساكت!!

ولا في غلبة عليكي اعطينا المصدر احزان لانو كلامك مش بسيط

+ عضو محترف +

والله انا سمعتو من الشيخ محمد حسان
يعمى احنا بغزة حللنا القتل يعنى ضلت على هادي
بعدين احنا بغزة عند الفلوس بتغيب عقلولها
واصلا المؤخر يعتبر دين فى رقبة الرجل ولا يسقط عنة الا فى حالة المسامحة
وعند الوفاة يجب اول شئ يسد

.♥ مشرفة ♥.

والله يا مسك كلام الاعضاء هنا بخلىالواحد يحتار
بس انا عندى رأيى الخاص فيا
يعنى هو صح اقل شى للمهر هو 3 الاف و هادا هلأ سار قليل بسبب الغلا الى بالدنيا
واكتر شى بالمهر هو 7 الاف
بعدين صح اقلهن مهرا اكثرهن بركة
لكن الوضع اختلف الدنيا زمان غير هلأ
هلأ احنا عايشين بغلا كتير كبير
بعدين البنت الى بتحكى انه ما بتقبل بالمهر الكتير و الشغلات هادى فهادى مش من العقل
و الزوج مش لازم يتضايق من المهر لانه اولا واخيرا المهر راجع اله هو وحده
و عفش البيت يا احزان كتير ضرورى كيف مش ضرورى بنظرك ؟؟؟؟؟؟؟؟؟
بعدين المهر بتحدد حسب مقدرة الرجل و اكيد الاهل بيشتروا رجل لبنتهم
و لو الرجل كان كويس فما بختلف الاهل على المهر
العقل هيك بيحكى
لان موضوع الزواج لازم يبعد عن العاطفة
العقل اولا واخيرا
وكرمال عيون يكرم مرج عيون
والى بده البنت مابحكى ما بختلف على المهر مهما كان
و بعطيها شو ما طلبت ووقتها حيشوف انه البنت مش راح تتعبه بطلباته و لما تشوف كرمه وحنانه هادا بنسيها اىشى
الرجل يقدم السبت فالبنت بتقدم باقى ايام الاسبوع
الرجل هو القائد الى بقدر انه يعمل كل شى
هادا رأيى الخاص
شو انت رايك مسك الانتقام بحكى الى انا حكيته ؟؟؟؟؟؟؟؟؟؟؟؟؟؟؟؟؟

+ عضو محترف +

ما خليتي الي كلام شمس الشموس كلامك 100% والله هادا موضوع عقلاني بحت مش موضوع عاطفة اطلاقا وزمانا كتيييييييييير غالي الاشي وسعر العملة بالارض كتير كتير كلامك عقلاني ورائع شمس الشموس وانا معك بكل حرف حكيتيه

تحياتي الك ولاحزان

+ عضو ماسي +

أنا من وجهة نظري
والاكثر شيوعا في مجتمعنا الغزاوي
بيكون مهر البنت من 3آلاف إلى 5آلاف
أنت بتقول الذهب غالي والملابس غالية
هذا الكلام على عيني وعلى راسي
بس أنت شايف الشغل في غزة مقطع بعضه؟؟؟!!!
ولعلمك الشب يستدين المبلغ الذي سيدفعه مهر
يعني بعد الزواج هيبيع الذهب علشان يسد ديونه!!!!!

البنت ليس بغلاء مهرها البنت بأخلاقها العالية

+ عضو متألق +

اه والله صدقت عاشق كلامك صحيح صح هو المهر هلايام غالي بسسب غلاء الذهب والملابس
بس حرام الشباب من وين بدهم يجبو ما في شغل عنا هون
بس انا من رايي انسب شئ للمهر الي هو من 3 الالف الي 5 الالف

+ عضو دائم التألق +

السلام عليكم

كيفك مسك الانتقام؟
انا من رأيي انو المهر ما لازم يزيد عن 4 الاف خاصة بهادا الوقت لأنو اغلب الشباب عاطلة عن العمل خاصة عنا بفلسطين وبهالاوضاع هاي المتدهورة والله الله يعين كل شاب بدو يتزوج لانو الزواج بدو كتير تكاليف ومتل ما الشب رح يدفع ويقدر الزوجة كمان الزوجة لازم تقدر تعبه والمجهود الكبير اللي بقوم فيه عشان يجمع المهر بعدم طلب مهر اكتر من 4 الاف برأيي
مزبوط انو الدهب كتير غالي والعفش والملابس كلو غالي وطبعا هادي الاشياء اكيد كل بنت بتتمنى انها تجيبها بس برضو لازم انها تراعي تعب الشب لانو فعلا كتير شباب هلأ الفلوس اللي حطو كل تعبهم عشان يجمعوها ويتزوجو فيها ما بتكفي لكل هاي الاشياء بسبب الغلا وانا متأكدة انو ما حدا بقصر بزوجته وبيته بعد ما يتزوج
برأيي انو المهر ما لازم يزيد عن 4 الاف
وطبعا كل واحد عندو وجهة نظر مقتنع فيها
والله يوفق الكل يا رب
والف مبروك مقدما مسك الانتقام والله يوفقك ويسعدك يا رب

+ عضو محترف +

هلا عاشق كلام جميل انا من راي المهر من 4-5

يسلمو عالمرور فلسطينية

هلا بالغوالي منورة ام جاد الله يسعدك يااارب انا معك بكل كلمة وانو الانسب4 لكن اذا الشب مقتدر وحابب يدفع اكتر عادي مهو كلو راجع الو الله يرضى عليكي ديري بالك علي ابو بسام Smile

في امان الله جميعا ويسلموا عالمرور