موضوع للنقاش بين البنات و الشباب

[ندعوك للتسجيل في المنتدى أو التعريف بنفسك لمعاينة هذه الصورة]


حبيت اطرح عليكو هاد الموضوع للنقاش و يريت تتفاعلو معى شباب صبايا

مل هى مواصفات شريكت حياتك و فاتنت احلامك .......................... للشباب

ما هى مواصفات شريك حياتك و فارس احلامك ............................صبايا

ياريت تتفاعلو معى و تسمعونى ردودكم

يكون متعلم ومتفهم واحس معو بالامان ويكون واعى مو زى الصغار يزعل على اقل كلمة وبالنسبة للشكل ما بيهمنى كثير بس طويل شوى وعادى ويكون عمروا بالثلاثينات ويحتوينى وخلص اكيد طبعا ما راح الاقيه لانو فارس احلام يعنى مو موجود ويسلمووووووو عالموضوع

انا حابه يكون دين وبيعرف ربه حنون رجال بمعنى الكلمه ومو المقصود هون الضرب ولصراخ بل المقصود الشهامه في وقت الشده احس بالامان لانو جنبي انسان بيقدر يحميني الحامي الله لانو الست مهما صارت وصلت بتم بحاجة انسان يحتويها ويحسسها بالامان هيك ربنا خلق الست مو راح اقول الشكل ما بهمني والجوهر هو يلي بهمني اكيد الجوهر بهمني اكثر من الشكل بس بحب الرجال اللي بيهتم باناقته ويطيب لانو ربنا بيقول ان الله جميل يحب الجمال والرسول بيقول خذوا زينتكم وان الله يحب ان يرى اثر نعمته على عباده ومن السنه عدم اكل الثوم عند الذهاب للصلاه بالمسجد ومن هون بنقدر ننتبه انو الدين اهتم بالشكل بالاضافه للجوهر اما بالنسبه للخلقه لا اعتراض على حكم الخالق انا هون بحكي على الشكل اللي بايد الانسان يعمله مثل النظافه الاناقه التطيب بعرف اني كثرت بالكلام بس تم شغله اخيره بهمني يبقى مثقف والثقافه تختلف عن التعليم لانو ممكن انسان يبقى متعلم ولكن لا يفقه شئ بالثقافه

والله أنا بالنسبالى لقيت شريكة حياتى وعجبانى ومواصفاتها كتيرررررة وحلووووووووووة ومابتنعد تقريباااا وكل شئ بتمناه من وانا صغير موجود فيها يعنى بس اللهم تكون من نصيبى!!!!
وراضى فيها وبحبها وبموت فيها,,,
بس ادعولى ربنا يجيب الى فيه الخير النا ولكل الناس الحلوووووووووووووين أمتالكم,,,

تحياتى,,,

مشكورة سما و سلام و حنين القلب على ردودكم

و الله يوفقك يا حنين و تكون من نصيبك و الله يسعدك

لكن ليش يا سما عمر بدك عمره بالتلاتينات مش كبير بالتلاتينات هههههههه ..

انا مواصفات فتاه احلامي اول شي الدين والاخلاق وبعديها الشكل يكون طولها مناسب وعرضها مناسب يعني سمبتيكا هههه وعنيها ملونين ههه وتكون شخصية حلوة كتيير ما في متلها ..وتكون مثقفه ومتعلمة من الدنيا وفهماني كتيير ..... والحمد لله لقيتها ههه بس ان شاء الله بتكون من نصيبي.. وازا راحت في موجود 3 بديل عندي بنفس المواصفات يعني الحمد لله ما بننقطع ههههه.تحياتي للجميع

منيح انها ما رحت تنقطع عندك بالنسبة للسبب الى بيخلى فارس احلامى بالثلاثينات ذكرتوا قبل ورح عيدو تانى لانو افهم واوعى ورح حس معو بالامان الى محتاجة له لانى بدى حبيب وزوج واب كمان لحتى يضل بحاجتى دايما بما انى اصغر منو فاكيد رح ضل بنظروا حاجة يحمد ربو عليها انها صارت له بعدين بيكون زلمة انا هيك رايى وهاى شروطى بالى بدى اتزوجوا

انا بالنسبة الى بدى ايكون انسان متعلم ومتدين يعنى يعرف ربنا منيح
يكون شكله مقبول ويكون شخصية حلوووووووة

تيب يا سما يعني اللي في العشرينات ما بيفهموا ههه في شباب بالعشرينات بيكون فهمانين اكتر من التلاتينات ... انا من رايي تاخدي واحد بعمرك مو اكبر منك عشان تعرفي تتفاهمي انتي واياه وما يعجز وانتي لسه صبيه ههههه ..تحياتي إلكو جميعا

مشكور سراج و سما و مشرفة على ردودكم

و انت يا سما الله ينولك اللى فى بالك

اما بالنسبة لسراج شكلو ماخد بنات الناس لعبة الله يعطيك على قد نيتك

يسلموووووووووووووو جميعا على ردودكم

مين حكى انو الى بالعشرينات ما بيفهمو شو سراج ما توقعنى بالكلام بس انامخى صعب يعنى بدى واحد اكبر منى بكثيرلحتى يفهم على بعدين بيكون تفكيروا غير عن تفكيرى وبنقضى العمر واحنا بنحاول نفهم بعض بيكون للحياة طعم وشوية غلبة بعدين اناتركيبتى هيك ما بعرف ليه

لا يا همسة مش ماخد بنات الناس لعبه ... انتبهي منيح لكلامي وافهميه...
وقبل ما تكتبي عن اي حدا اي كلمة فكري منيح قبل ما تكتبي ...
وع العموم شكرا ع رئيك فيا.

انا اسفة و الله ادا ازعجك كلامى بس ياريت تتقبل رايى بروح رياضية

و بصراحة هاد فكرتى عن الشباب عامة و يا سيدى ادا انت غير هيك فياريت يكونو كل الشباب متلك

اهنيت و مشكور على مشاركتك

طبعا كل وحدة فينا الها احلامها الخاصة بيها وبشريك احلامها وانا منهن طبعا بتمنى انه يكون يحبنى كتير ومحترم وبيعرف يقدر البنت

اهلا و سهلا يا ورود نورت المنتدى

يسلمووووووووووووو على مشاركتك