طراشة و دهان

+ عضو بدأ بقوة +

آآآآآآآآآخ من عجينة البيكنغ-باودر ( هاي تاعت الكيك ) ولا الاسمنت والطحين الي بحطوها على

وجههم ..

لأ اسمو بودرة صح؟

الجمال هو بتقاطيع الوجه .. مش بأنو البنت تكون سمرة او بيضة.. فاتحه او غامقه

مشان هيك الي بتحاول تفتح لون بشرتها بالي بتحطه على وجهها بقلها والله مو حلو

لأ وقال مشان تزبط شكلها اكتر , بتحط احمر على خدودها

يعني بودرة بيضااااااا على خدود حمر وشوية حمرة .. بصير شكلك زي التمثال تبع ماكدونالدز

انا مش ضد المكياج , بالعكس لازم البنت تطلع بأحلى شكل الها ..

بس مش بالطريقة هاي .. ولا بكمية البودرة هاي ..

و على رائي ابن الجيران شوفوا شو صار معو موقف صار بالجامعه , كان الدكتور يوزع علامات الامتحان ..

وبحكي اسم كل طالب وعلامته ..

قاعدة جنبو علبة بودرة حاطه بنت على وجهها ..... قصدوا بنت حاطة علبة بودرة على وجهها

حكا الدكتور اسمها وطلعت علامتها ( 12 من 30 ) .. فالبنت من الصدمة ضربت حالها كف (لطمت) ..

اول ما ضربت حالها كف انتشرت الغبرة بكل مكان .. وعبتوا بودرة وهو صار يقح (يسعل) و انقطع

نفسو , وحس الدنيا ضباب .. ولدقيقة شك انو الدنيا رح تشتي (تمطر) بالقاعة .. و صار بدو تنفس

اصطناعي وشوي وبقلب عالارض على ظهرو وبفعفط زي الصرصور الي ماكل 3 رشات بيف باف .. وحالتو

حالة ..
يعني والله لو واحد غيرو معو ربو او مشاكل بالنفس , كان راح فيها

كل هاد مشان ضربت حالها كف وتطايرت البودرة من خدها ..

وشوفو المصايب كيف بفصل الشتا والدنيا بتشتي , كيف بتسحل البودرة من وجه البنت , ولو كانت

بلوزتها سودا بتتعبها بقع بيضا من البودرة الساحلة من وجهها

( بس مش مشكلة , كل هاد بهون بسبيل انها تطلع احلى)

بما انك حابة يروح لون وجهك ويصير فاتح , بقترح عليكي تشتري سطل (جلن) دهان املشن ابيض , و

انقعي وجهك فيه لمدة 5 ثواني .. بأذن الله بطلع وجهك ابيض ومخطوف لونه ومش مبين اشي الا

البياض ..

او انزلي على مكان جيبي 4 عمال وشوال اسمنت ايبض و 5 ليتر مي ..

وخليهم يجبلو (يخلطو) المكونات كلها مع بعض .. وصيري لزقي على وجهك منه تلزيق , وانا بوعدك انه

اول ما تحطيه على وجهك عمره ما رح يسحل مع الشتا او يطلع منه غبره ..

يعني رح يضل وجهك ابيض لحد ما تشتري مبرد او ورق قزاز وتحتي بشرتك حت فيهم لحد ما يروح

ما رح اكمل حكي عن الكعب العالي الي والبنت ماشية فيه بكون لازمها تكون حاملة قشاطة او عصاي

طويلة للتوازن .. مشان ما توقع لا يمين ولا شمال ..

ولا حابه احكي عن تمشيط الرموش , ومش ناقص غير تعطي رموشك وجه تمليس أو تقصيه كيرلي ..

ولا رح احكي عن الاضافر الطوال كتير , الي ما بخليها لا تاكل ولا تشرب منيح , وحتى طباعة عالكيبورد

صعبة .. بتلاقيها كل 4 احرف جنب بعض بتكبسهم مع بعض بالغلط من اضافرها الطوال

ولا رح احكي عن الحلق الي بتحطه على ادانها , والاصل هو ثرية لازم تتعلق عالسقف ..

ولا رح احكي ولا احكي ولا احكي

+ عضو محترف +

هههههههههه موضوعك بيجنن والله عملى من الواقع الله يهدى الجميع ويصلح الحال
يسلمووووووو ايديكى ياعسل

+ عضو محترف +

يسلمو دياتك رزااان طرحك أكثر من رائع وفعلاً واقعي
إن شاء الله ربنا بيهدي الجميع والحلاة حلاة الروووح
والقلب مو بالشكل يعني
إن شاء الله موفقة يا عسولة

+ عضو محترف +

يسلمووووووووو يا عسل

.♥ مراقبة عامة ♥.

هههههههههه لا حلوة انو وقع ع الارض من الغبرة ههههه
يسلمووووو رزان ع التقديم الحلووو للموضوع
وهاد من الواقع اكيـــــــــــــــــــد وما خفي كان اعظم ...
وربنا يهديهم مساكين بس هدول ... الله يعينهم ويهديهم
منورة رزان

+ عضو محترف +

رزان الزينة للمراة فطرة فطرها فطرها الله تعالى عليها لابد ان تتزين زتتجمل باحلى الجماليات والزينه

ام المؤمنين ام حبيبة بعد وفاة ابيها ابي سفيان بثلاث ايام تناولت شيئا من الطيب في ذلك الوقت لعله صندلا او شيئا من هذا القبيل فوضعته في وجهها
ولما سالت قلات ان الرسول صلى الله عليه وسلم قال
( لايحل للمراة ان تعتد فوق ثلاث الا على زوج ) الحديث طبعا بالمعنى غاب عني نص الحديث
فالزينة للمراة مطلوبه
اما الجمال فالناس يختلفون في تحديد الجمال فالعرب كانت لهم ميزات في الجمال منها
1- طول الرقبة او النحر يفضلونه عن ذات النحر القصير
2- عرض الوجه
3- طول الانف
4- تفلج الاسنان وصغرها
5- قصر الاذن
6-صغر الشفتين والفم عن ذات الفم الواسع
7- اهيف الخصر
8- عظم الاليتين
9-طول الرجلين
واشياء تركتها حياء
المهم الاسلام قضى على جميع ذلك فجعل الاخلاق هي المقياس

وبعدين ياستس شوي خففي من اللهجة المحلية مش فهمانين عليك بدك تحكي حكايات ثئيله بدك اجيب قاموس والاايه

+ عضو دائم التألق +

ههههههههههههههههههههههههه

يسلموووووووووووووووووو
موضوع عنجد بجنن
وفعلا من الواقع
لا احلى اشي جيبي سطل دهان وادهني وجهك ههههههههههه فكرة بتجنن

+ عضو بدأ بقوة +

فعلا هاد من الواقع و حياة الله أنو زاد عن حدو

أخي قلم كل الاحترام الك و لمرورك و أنا معك انو المرأة تتزين و تكون بأجمل هيئة و لكن انا بحكي هن هدول الي بكونوا برا البيت بالشارع و خصوصا بالجامعه (و متل ما اتفضلت الجمال هو جمال الاخلاق و النفس )

مشكورين جميعا على مروركم

تحياتي لكم

+ عضو محترف +

ههههههههههههههههههههههه
يقطع شرك يارزاااااااااااان بصرااااااحة الكلام ضحكني من قلبي
لانو انا بتعقد من البنت الي بتعمل هالعمايل السودة
لش ومالو السمار طيب هوا نص الجمال
ههههههههه
الله يهديهن يارب ويوثقن بجمالهن
انا بعتبر البنت الي هيك مريضة نفسياااااا
بمرض عدم الثقة بالنفس
يسلمووووووووو يا رزان

+ عضو محترف +

والله اللي بزيد عن حده بينقلب ضده وربي انا اتغربت قصة البنت اللي طارت البودره عن وجهها شو بنا هاد الحكي ما بيدخل عقل تقولو هي نفضت سجاده مو وجها هههههههههههههههههههههههههههه بس بالنسبه للمطر معقوله كتير وله فصل الصيف والعرق
ههههههههههههههههههههههههههههه بصير وجههاااااااااااااا مخطط ولا ..... الوحشي
هههههههههههههههههههههههههه بس والله حرام مو كل البنات ولا كل الستات بحبو الميك اب الاوفر كتير اشي ومنووووووووووووووووووو اي يرتب الوجه يعطي اناقه للوجه مو يبان الوجه تعبان وشاحب

+ عضو محترف +

ههههههههههههه يسلموووووووووووو