ذكريات شباب و صبايا

+ عضو محترف +

يمكن مو الكل عاش كل هالامور بس عاش شي منها او عاش اكتر منها

بتتذكروا.. يوم يجي أخوك الأكبر منك ويقول لك: بدك أرسم لك ساعة وانت تمد إيدك ويعضّك هديك العضة اللي تضل مرسومة أسبوع.

‏ بتتذكروا.. يوم كنا نتصوّر عند مصوّر العيلة وطبعاً غصب عنك الخلفية زرقاء مو بكيفك ولازم تمشط شعرك بالمشط اللي عنده.. كله شعر...

‏ بتتذكروا... المصاصة الحمرا اللي بتعلق بالسنان ومعا عود لونه احمر مخطط بالأبيض وكنا نقلبو بالمقلوب ونحطو ع الشمعة أو الغاز وننفخ مشان نساوي فقاقيع وطبعا ما تطلع النفيخة لحتى تطلع زلاعيمك معها وتنحرق كل أصابيعك.

بتتذكروا.. يوم كنّا نشوف افتح يا سمسم ونتأثر بكعكي اللي ياكل بسكوت ونشتري بسكوت ونتم ناكل مثله

بتتذكروا.. يوم الجمعة ... ‏نقوم من الصبح مشان نسمع أغنية في قصص الشعوب قصائص لا تنتهي

وعالم حلو بهي يسكن في القلوب في قصص الشعوب .

بتتذكروا.. تلفون أبوقرص اللي يهلك أصابيعك وانت تتصل ويا ويلك يطلع الرقم مشغول لأنه ما في ريدايل.

‏ بتتذكروا.. يوم كنا نربط الشرشف على رقابنا مثل سوبرمان ونطلع فوق الخزاين ونط على التخوت وآخر شي بتكون النطة غلط ومنكسرة إيدك.

‏ بتتذكروا.. يوم كنا نحط الآيس أو الكازوزة بالكيس بالتلاجة مشان تصير متلجة وكل ما بدك تجي تاخدها تلاقي الوالدة حاططته تحت ومانو متلّج.. يا حسرة.

بتتذكروا.. لما كانوا الأولاد يشطفوا البرندة بالصابون ويضلوا يتزحلطوا عليها طوال النهار وآخر الشي تنفكش رجل شي واحد وما ينام الليل لأنو رجلو ورمانة..

بتتذكروا... عزايم قبل والسفرة ومفرش الطاولة اللي عليه صورة (‏فواكه) ‏وريحتو لازم مثل ريحة المطبخ وقاعد على كراسي القش اللي لما تقوم تلاقي سيقانك عليها شخوط ومربعات.

بتتذكروا.. أيام الدراسة لما نشد حيلنا بالدراسة ونشتري قلم فسفوري أصفر أو برتقالي مشان نظلل على الشي المهم وآخر شي نظلل على كل الكتاب.. وين الشي المهم؟؟ ما بعرف!!!!

بتتذكروا.. أول ما يسرق الأولاد سيارة أبوهم كانت الرجل اليمين على البنزين والرجل اليسار على الفرام من شدة الفرحة .... ‏ولازم طبعاً يمر على أولاد الحارة ويطلعوا معو شي خمسين واحد

‏ بتتذكروا.. لما تتقاتل مع ولد الجيران وتقول له: انقلع عن بيتنا وعن رصيفنا...

يقول لك: مو رصيفكن هادا رصيف الحكومة

كلام منطقي, ‏ويتم يمرق قدام البيت ويقول لك مادخلك.

بتتذكروا.. لما يروحوا الأولاد السوق مع أبوهن أو أمهن مشان يشتروا تياب للعيد ..وآخر شي شارين تياب متل بعض بس غير ألوان وتشوفن بأول يوم العيد من الأخ الكبير للصغير متل فرقة حسب الله.

بتتذكروا.. لما الشباب بدهن يعملو عضلات يروحوا يترسوا علب النيدو باطون ويحطون بينهن عمود حديد وهووووووووب وآخر شي منكسرة ضهورهن.

بتتذكروا...لما نشيل الطراريح والشراشف ونعملهن خيم ...أو ناخذ المخدات الكبيرة ونعملهن بيوت.

واللي ما عمل شي من المذكور فوق بيكون من جيل الهمبرغر وسبيس توون وأبطال الديجتال..راحت عليكم هديك الأيام

أولاد هالأيام بتلاقيه عايش مرحلة وحده بس ألا وهي مرحة الكبار: سيارة وموبايل و تدريجة وشحططة في الشوارع والمطاعم. ماشاف لا أفلام كرتون ولا لعب وهو صغير..

أول ما يفتح التلفزيون بتلاقيه يتفرج ع هيفا ونانسي وروبي

وعلى أيامنا قصص عالمية وسهرة صباحية ع الشدة كل ليلة خميس

وأم عمار ببرنامج ما يطلبه الجمهور

وعصمت رشيد يغني بين الشوطين

ويوم الجمعة سيران والله أيام

للأسف صار الجيل الجديد بلا هوية

الله يرحم هديك الأيام كنا مبسوطين

اتمنى للجميع حياة سعيده دمتم بخير جميعا
اخوكم

.♥ المركز الثالث ♥.

هههههههههههههههههههههههههه

الله يرحم أيااااااااااااااااام زماااااااااااااااااااااااااااااااااااااان ، والله كانت أحلي من هاد الأيااااااااام

يسلمووووووووو جنرال

+ عضو محترف +

يسسلموووو كتير ملاك على مروك

اكيد ايام زمان احلى من الايام هاى

**.♥ مراقبة إدارية♥.**

ياريت ترجع هالأياام لأنا بجد كنا عايشين ماهمنا شي مش متل هالأياام

مشكوور جنراال علي طرحك المميز

+ عضو محترف +

يسلمو كتير على مروك ندى

.♥ مراقبة عامة ♥.

ليت الزمان يعود يوما
مشكور اخى جنرال على ما طرزت لنا من ذكريات جميله
ياليت ترجع هالايام كانت كتير حلوة
تقبل مرورى

+ عضو محترف +

بتتذكروا.. لما تتقاتل مع ولد الجيران وتقول له: انقلع عن بيتنا وعن رصيفنا...

يقول لك: مو رصيفكن هادا رصيف الحكومة

كلام منطقي, ‏ويتم يمرق قدام البيت ويقول لك مادخلك.
هاد اكتير كنت اعملها في بنات جيرانا ما اخلي وحدة اتمر من شارعنا ههههههه
بس كانت ايام حلوة اكتيرياريت ترجع
يسلموووووو جنرال موضوع روعة

.♥ مشرفة ♥.

بتتذكروا.. يوم كنا نربط الشرشف على رقابنا مثل سوبرمان ونطلع فوق الخزاين ونط على التخوت وآخر شي بتكون النطة غلط ومنكسرة إيدك.

اه واللله يا جنرا ل كانت ايام كتير حلوة يا ريت ترجع تانى
ما كان يفرق معنا شى كنا عايشين الحياة الحلوة مش شايفين شى وحش فيها بس هلأ الهموم ملت قلوبنا
اللله يرحم ايام زمان
بجد بتمنى انها ترجع
يسلموا كتير على طرحك الرائع الى رجعنى لايام طفولتى الحلوة
يسلموا مرة تانية
تقبل مرورى المتواضع على متصفحك المنير بعبق التألق
شمس الشموس

+ عضو محترف +

يسلموو كتير على مروكم الرائع

تحياتى لكم

+ عضو متألق +

يعطيك الف عافية

+ عضو محترف +

يسلموو كتير ملاك على مروك الرائع

تحياتى لكى

» أين انتم يا زهورنا والشذا***** انسيتم ذكريات المنتدى
» شباب > صبايا > ادخل هون واحكي شو ما بدك وفشفش وانكش راس واضحك >> يلا فوعووو
» يازهرتي .. هذي بقايا ذكريات }
» ذكريات من فلسطين ........... قرية يبنا
» انا من هناك ولي ذكريات الجزء الاول