كنت أقول إن ضاقت الدنيا توسع ....

+ عضو بدأ بقوة +

كنـت أقـول إن ضاقـت الدنيـا تـوسـع
وأتسأل ليه ضاقت فـي عيونـي هالوسيعـة
لين شفت الخافق اللي حب مـن جـد وتولـع
يحرمه وقته ووقته صارت أحزانـه طبيعيـه
منحرف حظي وأعرفه طول عمـره ماتسنـع
من عرفت الشوق قاسي والهوى هذا صنيعـه
(( ياحبيبي )) حط يدك فوق هالقلب وتسمـع
بس لا تسـأل دخيلـك ليـه دقاتـه سريعـه
يوم شفتك والحكى عيا يجـي مـدري تمنـع
والسكوت اللي ملى الدنيـا مرافقنـي جميعـه
يوم شفتك داخل عروقي نما عشـق وتربـع
يوم شفتك والحياة القاسيـه صـارت بديعـه
كيف أعيش وبعدك أنفاسي بها موتـي تمتـع
كيف وأحلامي غدت دونك كوابيـس شنيعـه
والحزن أه أه يالحزن فيني به الخافـق تشبـع
ليه حملنـي تناهيـد وحمـلٍ مـا أستطيعـه
اااااه من قلبي وانا أشوفه مع الوقـت يتقطـع
يأمر عيوني تهـل الدمـع وعيونـي تطيعـه
لو بقول اني بموت أن غبت وربي ماتصنـع
دامه غيابـك لـه الأااام ولوعـات فضيعـه
انت في بالك يوم فراقك يوم عـادي مايلـوع
تراني حاسب غيابك يوم من عمـري فجيعـه
ماتعبت؟؟ إلا تعبت وظلي ودروبـي تطـوع
والزمن يحفـر مسافاتـي غرابيـل وخديعـه
والذنوب اللي معي نبض من اللوعـه تجـزع
والخطى عشقي ولكن مالقى لـه مـن ذريعـه
والعذاب اللي من أهوالـه صـدري تصـدع
مانزع روحي من ضلوعي ولا خذها وديعـه
مستحي من حبك اللي ضمه الصـدر وتنـوع
مدري شايف ان الهوي فيني له سدودً منيعـه
وانت عشقك غير .. كل العشق لو ربعه توزع
كل واحد ماعشق قلبك يبقـى لـه صريعـه
عاد تدري لو هوي كل الخلايق لـك تجمـع
مايجي ذره من إحساسي مـدام انـك شفيعـه
ويازماني دامني ماقوى على عنـادك تشجـع
وارسم جروحي وانا بشكي على رب الشريعه
يالله اني طالبك من قلبٍ صافـي ويتضـرع
لا يجي بينه وبينـي بعـد وفـراق وقطيعـه
يالله اني طالبك وإن ضاقـت الدنيـا توسـع
لين تفرج والحياة تصيـر بوجـوده وسيعـه

.♥ المركز الثالث ♥.

كلماتك لهنا شجن جميل

يجبر كل من يدخل بينها

يشيد بأن لك قلب قد يبدع

في أمر القلم بتسطير أبدع الحروف

فيسلم لنا قلبك قبل قلمك

على الورود التي رأيتها بصفحتك

فلك مني كل الود والاحترام

+ عضو متألق +

يسلمو كلمات رااائعة ..
تحيااتي
ام قيس

+ عضو محترف +

[ندعوك للتسجيل في المنتدى أو التعريف بنفسك لمعاينة هذه الصورة]

» إذا ضاقت بك الدنيا..!!
» إذا ضاقت بك الدنيا فماذا تفعل ؟؟‎
» الدنيا؟؟؟
» حبيبــــــــــي لن أقول احبــــك......؟ ادخـــــــــــل وشــــــــــــــــوف
» هل ضاقت عليكم الحياه