شب بيعاني من البنات...عني انا متت من الضحك..

+ عضو متألق +

معلش اتحملوني يا جماعة .. البنت هي امنا واختنا وجارتنا وحبيبتنا وخطيبتنا ومرتنا .. حتى السرلنكية تبعتنا بنت يعني اكيد بنحترمكم وبنحبكم .. بس لازم احكي الي بقلبي .. واكتب اكتر تلات شغلات بكرهها فيكم يا بنات:

3 : لأ مش معقول ! ... سمرة وبشرتك شاحبه وكل وجهك حب شباب .. ولابسه لينسيز أزرق؟؟؟!!!!! ايش هالزوق الي عليكي .. زي الي بشتري بيت ابيض , وكل حيطانه بيض ... ما عدا الصالون بدهنو فسفوري .. يا جماعة في اشي اسمو (تلبيق) .. مو كل وحدة بلبقلها اللنسيز .. ومش كل وحدة حطت لينسيز ازرق او اخضر معناته صارت حلوة بالنسبة الي بشوف دايما العيون شو ما كان لونها بتكون احلى من اللينسيز .. مش اني ضد الموضة .. بس انه والله مو حلو بطلع عليكي اللينسيز لأ ولما تيجي تنصحها وتقلها هالحكي , أو لما هي تسألك (حلو علي اللينسيز الازرق ) , وحكتلها لا والله مش كتير ... بتزعل وبتعتبرك جرحت مشاعرها .. وبتيجي تاني يوم لابسه لينسيز اخضر ( قال يعني انو الازرق مش حلو عليها , الاخضر بطلع احلى ) .. وبتسألك نفس السؤال ويا ويلك لو حكتلها مش حلو عليكي .. والله ممكن يصير معها انهيار عصبي , او حالة نفسيه مستديمة بتقعدها بالبيت باقي عمرها بدون ما تطلع .. وكلو كوم ولما تقعد تحلف مليون يمين انه عيونها هيك لونهم وهاد مش لينسيز .. مع انو لسه مبارح شفت لون عيونها صفر .. واليوم ازرق .. كيف صار هيك؟؟ لأ والي بفكر انها بتكون مرتاحة وهي لابسة لينسيز , بكون غلطان .. بتلاقيها على طول بتدمع وعيونها بحرقوها .. ( بس مش مشكلة , كل هاد بهون بسبيل انها تطلع احلى )

انا برأيي : كل اشي طبيعي احلى , خصوصا العيون دايما الله بخلقهم مناسبين لشكل البنت .. بس الي حابه تعمل تغير بعيونها بدون قصص الينسيز .. طالع جديد موضة اللينسيز الحمر .. ومنو كمان بتفرجي العين الحمرة لكل الي قدامك .. و ما بتكلف كتير .. راس مالها كمية صغيرة جدا من شامبو صانسيلك او بيبي ماجيك .. وحطيه على رموشك , وغمضي عينك وفتحيها بسرعه , اربع خمس مرات لحد ما تحسي بحرقة بعيونك من الشامبو .. وهيك بتحول لونهم لأحمر .. بدون ما تكلفك العملية سعر اللينسيز .. وهيك برضو لما بسألوكي عن لون عيونك طبيعي ولا لينسيز .. بتحلفيلهم يمين بعين قوية انهم طبيعين هيك ومش لينسيز ..

2 : بالعيد طالع اعيد على صحابي واسلم عليهم , وطبعا وبما انه مامعي سيارة فنزلت عالشارع اوقف تكسي اول مرة بكون بدي تكسي و بلاقي بنفس الشارع اكتر من عشرة .. بس ولا واحد فيهم بوقفلي قررت اركز الشوي , و اشوف شو القصة معقول انا بأشّر لتكسي محمل معه ناس؟ دققت بنظري وتمعّنت منيح اكتشفت انه انا قدام بنات مش تكاسي .. انو شو قصة اللون الاصفر بالعيد يا صبايا ؟ ... شو يعني طلعت موضة الاصفر يعني لازم كل البنات يلبسو اصفر؟ زي بلوزة ( I love shopping in Tokyo ) بصراحة اول ما شفتها كانت لابستها بنت بالجامعه , وكانت حلوة .. تاني يوم بتطلع حواليي كل بنات الجامعة لابسين زيها والي بدها تغير وتعمل حالها متميزة عن غيرها بتلبس بلوزة ( I love shopping in London ) .. قال يعني غيرت بس العتب مش عليهم بس .. العتب على الصناعات السورية والصينية , الي بتقلد كل اشي بنزل .. يعني ياحرام اول وحدة لبستها كانت شاريتها من stready بمبلغ وقدره .. بعد بيومين كل البنات اشترو نفس شكل البلوزة بأربع ليرات (و هدية كريم اساس مع كل بلوزة) , ومافي وحدة تنازلت تلبس غيرها .. ( بس مش مشكلة , كل هاد بهون بسبيل انها تطلع احلى )

انا برأيي : جمال المرأة هو بتميزها .. يعني تميزي عن غيرك .. بتكوني احلى .. مشان هيك روحي يا بنت افتحي خزانة امك و ألبسيلك بلوزة من السبعينات مزركشه ومكشكشة .. هدول البلايز الي بتكون نص كم ولونها احمر و body من تحت وعريضة من فوق .. ومعها قبة خنق كمان انتي هيك لو لبستيها هاي البلوزة بتحسي حالك الوحيدة بالعالم الي لابستيها .. وهيك بتضمني انو ماحدا يقلدك , وتضلي احلى وحدة بنظر العالم ..

1 : آآآآآآآآآه من عجينة البيكنغ-باودر ولا الاسمنت والطحين الي بحطوها على وجههم .. لأ اسمو بودرة صح؟ الجمال هو بتقاطيع الوجه .. مش بأنو البنت تكون سمرة او بيضة.. فاتحه او غامقه مشان هيك الي بتحاول تفتح لون بشرتها بالي بتحطه على وجهها بقلها والله مو حلو لأ وقال مشان تزبط شكلها اكتر , بتحط احمر على خدودها يعني بودة بيضااااااا على خدود حمر وشوية حمرة .. بصير شكلك زي التمثال تبع ماكدونالدز

مع احترامي الشديد الكم .. انا مش ضد المكياج , بالعكس لازم البنت تطلع بأحلى شكل الها .. بس مش بالطريقة هاي .. ولا بكمية البودرة هاي .. بتزكر موقف صار معي بالجامعه , كان الدكتور يوزع علامات الامتحان .. وبحكي اسم كل طالب وعلامته .. قاعدة جنبي علبة بودرة حاطه بنت على وجهها ..... قصدي بنت حاطة علبة بودرة على وجهها حكا الدكتور اسمها وطلعت علامتها ( 12 من 30 ) .. فالبنت من الصدمة ضربت حالها كف (لطمت) .. اول ما ضربت حالها كف انتشرت الغبرة بكل مكان .. وعبتني بودرة وانا صرت اقح (اسعل) و انقطع نفسي , وحسيت الدنيا ضباب .. ولدقيقة شكيت انو الدنيا رح تشتي (تمطر) بالقاعة .. و صار بدي تنفس اصطناعي وشوي وبقلب عالارض على ضهري وبفعفط زي الصرصور الي ماكل 3 رشات بيف باف .. وحاتي حالة ..

يعني والله لو واحد غيري معو ربو او مشاكل بالنفس , كان راح فيها كل هاد مشان ضربت حالها كف وتطايرت البودرة من خدها .. طبعا انا يومها جبت (30 من 30 ) .. لا تدققو Tongue وشوفو المصايب كيف بفصل الشتا والدنيا بتشتي , كيف بتسحل البودرة من وجه البنت , ولو كانت بلوزتها سودا بتتعبها بقع بيضا من البودرة الساحلة من وجهها ( بس مش مشكلة , كل هاد بهون بسبيل انها تطلع احلى)

انا برأيي : بما انك حابة يروح لون وجهك ويصير فاتح , بقترح عليكي تشتري سطل (جلن) دهان املشن ابيض , و انقعي وجهك فيه لمدة 5 ثواني .. بأذن الله بطلع وجهك ابيض ومخطوف لونه ومش مبين اشي الا البياض .. او انزلي على مكان جيبي 4 عمال وشوال اسمنت ايبض و 5 ليتر مي .. وخليهم يجبلو (يخلطو) المكونات كلها مع بعض .. وصيري لزقي على وجهك منه تلزيق , وانا بوعدك انه اول ما تحطيه على وجهك عمره ما رح يسحل مع الشتا او يطلع منه غبره .. يعني رح يضل وجهك ابيض لحد ما تشتري مبرد او ورق قزاز وتحتي بشرتك حت فيهم لحد ما يروح

..

ما رح اكمل حكي عن الكعب العالي الي والبنت ماشية فيه بكون لازمها تكون حاملة قشاطة او عصاي طويلة للتوازن .. مشان ما توقع لا يمين ولا شمال .. ولا حاب احكي عن تمشيط الرموش , ومش ناقص غير تعطي رموشك وش تمليس أو تقصيه كيرلي .. ولا رح احكي عن الاضافر الطوال كتير , الي ما بخليها لا تاكل ولا تشرب منيح , وحتى طباعة عالكيبورد صعبة .. بتلاقيها كل 4 احرف جنب بعض بتكبسهم مع بعض بالغلط من اضافرها الطوال ولا رح احكي عن الحلق الي بتحطه على ادانها , والاصل هو ثرية لازم تتعلق عالسقف .. ولا رح احكي ولا احكي ولا احكي..

لأنو لو بدي اكتب كل اشي بدي 20 جزء , مش بس جزء واحد ( بس مو مشكلة , كل هاد بهون بسبيل انه البنت تطلع احلى .. )

+ عضو فعال +

هههههههه

يسلمووو صح لسانك

مانتحرم من جديدك

+ عضو دائم التألق +

ههههههههههههههههههههههههههه
ههههههههههههههههه
اى مو لهدرجة
حراام عليكى بيساان
بس معك حق
ما فى احلى من الطبيعى
تحياااااااااااااااااتى الك

+ عضو متألق +

يسلمو نسيم الشوق وعيون الحب علي مرووركم ارااائع

+ عضو متألق +

طرح فى قمة التميز والجمال
دمتى وداام قلمك الامع

+ عضو دائم التألق +

شكررر

+ عضو محترف +

هههههههههههههههه
هههههههههههههههههه
يسلموووو سيدة الكون بيسان
ضحكتيني بس معك حق والله
أنا ما بحب اللنسز بالمرة بتاتا

+ عضو متألق +

يسلموووو..
ملاك الجنوب..
اسير الغروب.
مؤمنة بعدلاه القضية..
مرووركم اسعدني.؟

+ عضو دائم التألق +

بحب كون جدية بصدد الموضوع ....صحيح فى اشياء بضحك
ولكن لاننسى لكلن منا ثقافته برغم من كوننا مسلمين

والثقافات تحترم .... مع العلم مابحب غير الطبيعة .

بيسان حبيت تتحدثى عن الشباب

برضو الشباب بعملوا بحالهم اشياء ...بس مو مشكلة المهم البنات يقولوا وسيم انيق

موضوع هادف .....بتمنى المشاركة تكون هادفة

تحياتى للجميع ولكى بيسان .....احتراماتى.

.♥ مشرفة ♥.

يمكن انتي بتحكا عن بنات الصومال والسوادن هههههههههههااااااي تقبلي مروري بيسو

+ عضو ماسي +

فشي بعد الطبيعي
بلا لنسزز بلا غيره
كلنا كما خلقنا الله أحلى وأجمل
يسلموا بيسان على الطرح الرائع
تقبلي مروري وردي المتواضع
الزعيـــ يوسف خليفة ـــــــــم

.♥ مراقبة عامة ♥.

مشكورة
تقبلى مرورى

+ عضو محترف +

طالع جديد موضة اللينسيز الحمر .. ومنو كمان بتفرجي العين الحمرة لكل الي قدامك .. و ما بتكلف كتير .. راس مالها كمية صغيرة جدا من شامبو صانسيلك او بيبي ماجيك .. وحطيه على رموشك , وغمضي عينك وفتحيها بسرعه , اربع خمس مرات لحد ما تحسي بحرقة بعيونك من الشامبو

شو هالوصفة هاي
دكتورة والله
والمتضرر لمن يلجا بيسان
ههههههههههه
يسلموووووووووو عالعرض الرائع
لك كل الود

+ عضو متألق +

يسلمو كلا باسمه ولقيه علي المرووور؟؟
بس اسماااء هاي مجرد دعابة ضحك يعني..
بس احط شي ما بقارن بين شب وبنت الي يعجبني بحطه سوااء علي الشباب
او الصبايااا..
بيكفي الحمله الي عملينها عليهم خلينا نخفف
هددفي من الموضوع الضحك وليس الاهانة او الاساااءة ل اي شخص سوااء كان ذكر ام انثي علي راي
القذافي هههههههههههههههه
بس يسلموو يا احلي اعضاااء والله

+ عضو ذهبي +

يسلموووووو

+ عضو متألق +

ههههههههههههههههههههههههههههههههههه
كتيييييييييييييييييير حلو بيجنن الموضوع تحفة
يسلمو يا عسولة على الطرح الرائع

تقبلي مروري ....

+ عضو متألق +

يسلمو عاااشقة ولوله علي مرووركم الرااائع

» ههههه ميين بيعاني من "شحتة" الجيران متل هييك؟؟
» شو فو رقة البنات وعصبيت البنات يا لطييييف
» البنات البنات الطف الكائنات
» أسماء البنات-اجمل اسماء البنات- اسماء المواليد الجدد-اسماء الاطفال ...
» نكت بتفرط من الضحك