ليش هاي العقلية في هالايام؟؟؟؟؟؟؟؟؟؟؟؟؟

+ عضو محترف +

سلام عليكم للجميع كيف الحال حابب بس أطرح موضوع انتشر كتير بغزة ويعتبر ال يعني تقاليد وهادا الشي انو فرضا انو أب عندو بنتين وأكتر واكبر بنت ما اجاها نصيبها واجو ناس يطلبو البنت الي أصغر منها والأب رفض بسبب انو الي اكبر لسه ما اتزوجت ومن هالحكي وبيفوت النصيب علي بنتو بهاي الاسباب وممكن يمشي قطار العمر فيها وضيع عمرها ببلاش وللاسف كتيييييييييير أباء بيعملو هادا االشي وللاسف اكتر انو في من الي بعملو هيك بيكونو متديين بس ع اساس انو هيك الصح ولكن بنظري هادا قمه اللط لانو كل وحده راح تاخد نصيبها والزوج يعتبر رزق الها ورزقها مكتوب وهيي ببطن امها مش اكتر

حابب بس أشوف شو وجهه نظر الاعضاء بالنسبة لهيك موضوع من بعض عاداتنا بغزة هل انك مع هيك عاده ولا لا مع السبب

وتحياتي للجميع

.♥ مراقبة عامة ♥.

اهااااااااااااا كلام صحيح محمود يعني انا ما مع هيك عادات وتقاليد يعني طالما اجى نصيبها للبنت التانية وابن حلال ومنيح وين المانع ليه يظلم الصغيرة بسسبب اختها الاكبر يعني افرض الاكبر ماتزوجت يعني بكون ضيع الفرصة على الاخت الاصغر بس بتبقى عادات وتقاليد وكلام الناس كثير موفق محمود يسعدك الله

+ عضو محترف +

وانا معك حجتي ليان لانو ما حدا بياخد اكتر ما مقدر الوووو وتحياتي وعطرتي موضوعي بردك الوردي تحياتي الك حجتي ليان

.♥ المركز الثاني ♥.

كلامك صحيح يا اخي
مو كل العادات يلي عنا صحيحة ومزبوطة
وهدا مو حلو يعني عنا جارنا عندوا بنات واجا للبنت الوسطى عريس بس الابو ما رضي الا لمن يزوج الكبيرة وانا مو مع هدا الرجل لانو كلو قسمة ونصيب واي بنت بيجيها نصيبها لازم يرضى بيه
ادا كان الشاب منيح واخلاق
مشكور وبارك الله فيك على هالموضوع الحلو

+ عضو محترف +

بالضبط ندي اليوم اجا شب من كلوووو الله اعلم شو راح يجي !!

تحياتي الك حجتي ويسعدك يارب

في امان الله

+ عضو ماسي +

كلامك صحيح إنو هاي العادة موجودة بمجتمعنا بس الحمد لله صارت عنا في بيتنا بس بابا والحمد لله عقليته متفتحة مش زي العقلية اللي حكيت عنها وقال إنو هادا نصيب وما حجر على أختي الأصغر من الكبيرة والحمد لله هادا بيضل في الآخر قسمة ونصيب
وفي الآخر فعليا هادا الكلام بيصير عنا وبنسمع فيه كتير عند كتير من العائلات وهم هيك بيظلموا بناتهم
بأشكرك على طرحك للموضوع (حجي)

+ عضو محترف +

الله يخليلك الوالد يارب ويحرسووو يا(حجتي) [ندعوك للتسجيل في المنتدى أو التعريف بنفسك لمعاينة هذه الصورة]

+ عضو موقوف +

القضية هذا منتشرة كثير وانا في راي ان حرام الواحد يقف في طريق بنتة وان يوقف

طريقها علشان اختها الكبري

+ عضو محترف +

كلام صحيح حجي بات تحياتي الك

+ عضو محترف +

كلامك صح محمود

يعني مدام نصيب الصغيرة اجي قبل الكبيرة شو فيها

حرام يظلم البنت بشي هي ما الها دخل فيه وبعدين

كل واحد ونصيبو في الدنيا

+ عضو محترف +

اكيد ما حدا بياخد اكتر من الي الوووو تحياتي الك شمس حجتي

+ عضو دائم التألق +

صحيح هالعقلية موجودة عند كتيييير ناس
بس الحمد الله ما اسمعتها عنا بعيلتنا لانو صار انو اتقدمو لبنت عنا الوسطى والحمد الله
الله وفقها وبعديها ربنا بعت نصيب الكبير
هاي بيرجع كلو للقسمة والنصيب ما حد بياخد الا قسمتو
مشكوووور اخي على الموضوع
الك مني كل الاحترام

+ عضو محترف +

يسلمو علي المرور الجميل حجتي اجرام

تحياتي الك

+ عضو دائم التألق +

امممممم
انا بشوف طالما البنتين لساتهم صغار ..
يعني البنت الكبيرة فيهن مثلا لساتها صغيرة بس ما تزوجت
واجا لاختها الاصغر منها عريس
من الطبيعي انو الاهل يرفضوووو
حفاظا ع مشاعر البنت الكبيرة
وانا وحدة من الناس بأيد هاي النظرية
مافيها لا رجعية ولا شي
وزي ما قلتو كل واحدة بتاخد نصيبها
والصغيرة ليش مستعجلة .. لاحقة !!
انا شايفة انو هاي العادة مش غلط ...!!
يعني هلحين ولنفرض كانو بنتين ..
واجا عريس للبنت الصغيرة ..
حطي انتي حالك بموقف البنت الكبيرة ..! وشوفي شو شعورك !!

بس طبعا لو كانت البنت الكبيرة فعلا كبيرة وفاتها القطار زي ما بيقولو
انا واثقة انو الاهل مش رح يمانعو بزوجو الصغيرة
لانو مارح يكونو ضد مصلحة بنتهم

لانو بالعادة الاهل بيرفضو لما يلاقو الكبيرة لساتها صغيرة كمان

مابعرف ازا انا قدرت اوصللكو فكرتي
بس انا مقتنعة تماما فيها

يسلمووو ع الموضوع

+ عضو محترف +

كلامك سلام 100% عداكي العيب حجتي نيزوووووو

يسلمو كتير ع مرورك وكلامك العقلاني

تحياتي الك

+ عضو محترف +

اول شئ كل حاجة قسمة ونصيب والانسان ما بياخد غير يلي مكتوب الو
وهاد ظاهرة كتير منتشرة كانت أبل وحاليا كمان لكن بشكل أقل لانو الناس نوعا ما صار عندها وعى
وانا برافض قرار الاهل بهيك شئ شو ذنب النت الصغيرة حتى يحرموها من نصيبها
وفي عادات كتير منتشرة عنا وكلها غلط بغلط ويا ريت نحاول نصلحها

+ عضو متألق +

بصراحة هو في كتير بغزة بفكروا هيك بس صدقني محمود في ناس بردو ما عندها مشاكل بزواج الصغيرة قبل الكبيرة اذا اجاها نصيبها للصغيرة قبل الكبيرة وبعدين لاهو شي غلط ولا حرام ولا عيب عااااادي كتير والله يهدي يارب
شكرا كتير محمود
موفق

+ عضو محترف +

كلامكو صحيح الوفاء وحلا اكيد ما حدا بياخد الا نصيبووو لا اكتر ولا اقل مشكورات عالمرور وتحياتي الكم

+ عضو محترف +

صحيح كلامك أخي محمود هالعادة منتشرة ..

وأنا أعارض وبشدة من يقف عقبة في طريق إبنته ويرفض زواجها بحجة أختها الكبري .....

يعني الناس تعودت علي مثل هذه العادة وصعب نغير عقلية واحد تعود علي شئ إلا إذا أراد الله عزوجل

عالعموم أخي محمود الله يصلح حالنا ويهدينا

مشكور أخي محمود علي طرحك الموضوع الرائع

وتحياتي لك وللجميع
ياسيدي في ناس كتير بدهم توعية

+ عضو ذهبي +

اذا رضيتم دينه وخلقه فزوجوه
وانا من المعارضين ع هاى القصة
والزواج كله قسمة ونصيب

+ عضو متميز +

السلام عليكم

يا أخى الوالد يخاف على ابنته من أن تعنس
ولهذا أكيد يخاف من أن لا تتزوج...

ولكن أنا لا أوافق الوالد بهذه العقلية
لأن الشخص لا يعرف ما هو النصيب
الذى يأتيه...

فلذلك أنا أقول أن كل شئ يحدث للإنسان
"" قـسـمـة ونـصـيـب ""

فلذلك لا يستعجل الشخص على نصيبه...

تحياتى ... وتقبل مرورى

+ عضو محترف +

صقررررررر-------لمسسسسه-- ابو همااااااااااام

مشكورين جميعا عالمرور تحياتي الكم

» اللون الأخضر يقوي قدرة طفلك العقلية !
» مشاهدة الطفل للتلفزيون اكثر من 50 دقيقة تؤثر على قدراته العقلية
» طلاب هالايام "ممنوع الضحك"