الحب الصامت

+ عضوجديد +

السلام عليكم ورحمة الله وبركاته
مرحبا شباب وصبايا بصراحة انا حابة كون اليوم معكم
وعاوزة مساعدتكم
طول عمري ما بعجبني مين ما كان وما بدي غير الي
يكون متعلم ومحترم ويليق فيا وكل واحد يجيني ما اقبل
فيه لحد ما اعجبت بشب غير كل حياتي ومستحيل شوف غيروا
خلاني حب كل شي بهالدنيا وبنام وبحلم وبفيق وصورتوا ما
بتغيب عن بالي حبيتوا بس ما فيا اعترفلوا بحبي لالو
بس بدي اياه وما بدي غيروا
بحبـــــــــــــــــــــــــــــــــــــــــــــــــوا
ممكن هالحب ينجح؟؟؟؟؟؟!!!!!!!!!!

+ عضو محترف +

انتي لازم تحكي معو باية طريقة وتشوفي

شو رايو لانك هيك انتي ما بتعرفي شي بس بتعذبي حالك

انا مريت بنفس قصتك بس بالاخر كنت قوية واتكلمت معو

وخليتو يحس باني بحبو وبالاخر زبطت معي وهينا عايشين

متهنيين لازم انك تحاولي تقوليلو او تحسسي بحبك الو

+ عضو متألق +

كلام شمس صحيح لازم انتي تحكي معه وتعترفيله انك بتحبيه عشان يحس فيكي ويحبك زي ما انتي بتحبيه ااما ازا ضليتي هيك بجد بتتعزبي كتير ..
بتمنالك التوفيق بحياتك ..

+ عضوجديد +

يسلمو كتير ع مروركم الرائع
بس ما اعتقد انو تيجيني الجرأة انو اعترفلوا
وهاي المشكلة بس مرسي ع مروركم
وع رأيكم كتيررررر

+ عضو محترف +

هههههههههه متحبيه يختي ههههههههههه

طيب انا بقلك اعترفيلو بحبك الك وباقرب اطريقة احسن الك والو

حتى الشب ما يفكر انك مش معبراه او يمكن كمان هوا بحبك وخايف يقال

خايف يخسرك او خايف تحكيلو لأ

فانا بقلك انتي بادري بالامر هادي واعترفيلو بحبك

وموفقين بحياتكم والله يسعدكم

عقبال عندي ههههههههههههههههه

+ عضوجديد +

ههههههههههههههههههههههههههههههههه
مرسي جداااااااااااااااااااااااااا ع مرورك
انشالله ربنا يبعتلك بس خد بالك لازم تحب بضمير
وشرطي الوحيد انك انت الي تبادرها خخخخ
مرسي ع اراأكم
سلامي وحبي واحترامي

+ عضوجديد +

يعني انت اختي ما وضحتي شي وين تعرفتي عليه وكيف يمكن تشوفيه

وهو متقارب عمرو من عمرك
ولا اكبر منك بكتير

وهل هو اصلا انت ببالو اولا

يعني لازم توضحي الصورة اختي اكتر عشان نقدر نفكر معك

موفقة وربي يسعدك
ودمت بخير

+ عضوجديد +

هلا والله نورت الصفحة واسالتك بمحلها
هوة عمروا قريب من عمري وشب ما شالله عليه
ومتعلم وملتزم وعقلوا ماشالله عليه ربنا يحميه
ويوفقوا ويسعدوا يارب بكل خير
والصراحة انا فكرت انو اعترف وطلبت المساعدة
والكل حكالي انو اعترفلوا بس انا ما عندي الجرأة
لحتى اعترف وبعد تفكير حكيت ادا النا نصيب بببعض
بناخدوا وكلوا مسألة نصيب ويارب يجعلوا من نصيبي
ومرسي ع ارائكم
سلامي وحبي واحترامي

+ عضوجديد +

ميرسي لالك والنور نورك

والله انا حاسا فيك
يمكن ما تعترفيلو مباشرة براي غلط
لازم تعرفي بالاول بيقابلك بنفس الشعور اولا
هو شو ببالو
لازم تعرفي نظرتو للحب
يمكن لو اعترفتي لالو يكون عنك فكرة سيئة

فانا بافضل انك تتواصلي معاه تعارف اذا كان في امكانية
وهيك هو كمان بيتعرف عليكي
وكمان بانصحك تصارحي حد قريب منك من العائلة
ام او اخت مقربة ليكون سند لك وعون

وربي يجعلو من نصيبك
وربي يسعدك ويوفقك
دمـتــ بخير

**.♥ نائبة المدير♥.**

انااااااااا بحكى انك تعترفلوااااا لانك لو ما اعترفتوا الو راح تخسرى وطول عمرك راح تندمى وتحكى ياريتنى اعترفت وبكون فات الااوان لدلك اعترفلوا يمكن بكون بحبك

الئلوب عندهااا بعضهااااااا بادرى وما راح تخسرى والله يكون معك لانوووووو الحب عداب

تحياااااااااااااتى

+ عضوجديد +

نصيحتى ما تحكى شى ادعى الله يجعله من نصيبك ما تحكى الو لانو ممكن يكون ما بفكر بالموضوع شو هيكون موقفك بالتوفيق

+ عضو ذهبي +

بصراحة ما بعرف الله يكون في عونك

زائر

يا بنتي بلا حب بلا هباب فيقي بلاش تةقع ع راسك

**.♥ مراقبة إدارية♥.**

شوفي اختي انا برايي لا تعترفي ولا شي لانو مخالف لدينا انك تروحي وتوقلي لشب انك بتحبيه
وبعدين البنت عندها كرامة وعقد ما تقدري اكتمي احسن
لانو دايما العواقب بهااي القصص وخيمة
وما بتعرفي شو ردوو عليكي
بس انا بدي اقولك استخيري ربك وادعيي اذا كان شب محترم يكون من نصيبك

+ عضو بدأ بقوة +

انا رأيي زي ندى الايام

لانك لو روحتي اعترفتي الو وهو كان مش عبالو كل هالموضوع او كان بيحب وحدة تانية
رح تنجرح كرامتك وجرح الكرامة صعب كتييييييييييير

وكمان الشباب ما الهم امان ممكن يقول لاصحابو ويعملوك مسخرة لالهم

فاريحلك انك تقربي من الله كتير كتييييير وادا كان من نصيب رح تظلك تحبيه وادا كان مش من نصيب ربنا رح يخلي حبو بيقل بقلبك يوم بعد يوم ورح تنسي كل هالقصة

وربنا يقدم اللي فيه الخير

واسألي مجربة

تحياتي الك

اختك بالله الكروان

+ عضو موقوف +

ممكن ينجح

بس بعد الزواج

تحياتي الك

+ عضو ماسي +

انا رايي من راي الدمعة وندى الايام
ماتحكيلو لانو راح تجيبي المشاكل لنفسك

شكرا على ثقتك بنا

» أعمانى الحب ....الحب تضحية.
» مارأيك بالرحيـل الصامت ؟
» مواضيع قديمة مستهلكة
» هل الحب الثاني يمحي الحب الأول؟
» الحب والوداع وذهاب القلب مع الحب