مواجهه ساخنه بين الشباب × والبنات

اول شي السلام عليكم كلكم ويسعد مساكم وجمعة مباركة
ويسلمووووو صقرررر عالموضوع الحلوووو

السؤال التاني للشباب
ليش لما يكون مجموعة شباب ماشيين
ويشوفو بنت او مجموعة بنات كل واحد بيحب يبين حالو قوي
وبيصيرو يضربو في بعض ويعلو صوتهم ويعملو الحركات الهبلة تعتهم

جواب الاخت لمى: بكل بساطة يا اختي ضعف شخصية الشب وقلة دينو وقلة حياة هي الي بتخلي يعمل هيك يعني بستتفه نفسو مش اكتر ومش كل الشباب هيك طبعاااا لكن الي بعملوا هيك بيكون في نقص فيهم وبنظرهم هالحركات بتعبي هالنقص او ممكن يكونوا مرة عملوها لبنت ف ضحكت وئلبها مال وهما اتعودوا هادا راي اختي تقبلي مروري


سؤال ليش الشاب اول ما بتميل الو البنت و بتظهر الو حبه بيتركها و بيتسلا
فيها و ادا بعدت عنو و همشتو بيجرى وراها يا ريت اتجاوبونى بصدق رجاءا

جواب اختي همسه: ما بعرف والله اختي بس كلووو غلط في غلط انا بصراحة شفت كل الئصص الي خان فيها البنت والشب عشان هيك ما بحط كل اللوم علي جنس واحد بس من الاخر كل وحده دير بالها عحالها وبس لانو لو صار شي هيا الي بالواجهة وهي الخسران الوحيد بكل الاحواااال تقبلي مروري همسة

سؤالي :
ليش البنت لما بيتقدم الها واحد بيكون خاطب قبلها
بترضى فيه وماحد بيحكي حاجة ولا حد بيعيبو

بس الشب لو خطب بنت كانت خاطبة قبلو بيكون نظرتو الها انها
اقل منو او انو فيها حاجة ناقصة عنو
وما بيكون مقتنع فيها
في نفس الوقت المجتمع ماراح يرحمهم

وممكن تكون هيي احسن منو
ممكن اجاباتكم


سؤال قمة في الروعه وكتير بيحاكي الواقع
انا بصراحة حكيت مع خطيبتي موضوع زي هيك تقريبا المشكله اصلا انو هالبنت الي فسخت خطوبتها تخطب تاني اصلا هاي مشكله بحد ذاتها مع انو ممكن يكون العيب بالرجال مش فيها بس الي انا استنتجتو انو الشب بيصير عندو حساسية من هيك بنت انو يعني حدا غيرو شافها وشافها بأحلي التياب وهيك يعني وبيكون حساس جدا من هاي الشغلة وممكن يعايرها بعد الزواج انو انتي انفسخت خطوبتك وانا جبرتك ومن هالحكي الي بيهد جبال من الاخر لو شب بيعرف الله منيح وفهمان وواعي وعارف انو كل رزق ونصيب ما بفكر بكل هالاشياء يعني انا بعرف بنت خالتي مرة ئريبتها بتئلي ما بدك تتزوجي فكان ردها بجد روعه حكتلها ( لما نصيبي يقرر ) لانها واثقة ما راح تاخد اكتر من نصيبها
وقصة المجتمع هاي صارت عرف والله يا لمي صعب تتغير هيك طبيعة المجتمع ما برحم البنات انا عارف بييعن الله ربنا يستر علي كل خلئوو ويسعدكووو كلكووو يارب

في امان الله واسف للاطالة

في امان الله