ايش بدكو في القدس ؟؟

+ عضو موقوف +

جورج: ولك شو يا زلمة ما سمعت إنو اليهود زودوها بتهويد القدس

أحمد: طيب ويش اسوي يعني ؟ أتصل بنتنياهو وأقوله بشرف أمك سيب الأقصى بحالو؟

جورج: لأ ؛ بس بدل ما احنا قاعدين نسكر ونحشش خلينا نقوم نعمل اشي عشان مقدساتنا

أحمد: يا عم جورج الله يرضى عليك ما تنكدش علي؛أنا قرفان مرتي وعيالي جاي تقولي قدس وأقصى وقيامة ومقدسات؟

جورج: على رأيك؛ وهو يعني احنا الاتنين اللي هنأثر في اللي بيصير؟

أحمد: عارف أنا سمعت الكلمة هادي من مليون واحد؛ لو المليون قاموا انتفضوا عشان القدس كان اليهود سابوها في حالها

جورج: بس بيني وبينك؛احنا العرب معفنين ومتخلفين؛انا شايف إن القدس لو ضلت مع اليهود بتضلها نضيفة

أحمد: والله كلامك مضبوط يا ابو وديع؛بالك لو انا احرر القدس شو هعمل

جورج: شو؟؟؟؟؟؟؟؟؟؟؟

أحمد: المسجد الأقصى في ناس كتير بتصلي فيه والرجل عليه كتيرة وخصوصا في ذكرى الاسراء والمعراج؛ فأنا هفتح دكان على باب الأقصى أبيع سبح ومساوك وعطور

جورج: والله فكرة وانا كمان هفتح دكانه عند كنسية القيامة في راس السنة

أحمد: بس الغلط منا ولا من الحكومة والعرب في اللي بيصير بالقدس؟

جورج: يا عمي حكومة مين؟! بعدين أنا عندي اقتراح هقدموا لعباس وهنية والعرب

احمد: شو يا فيلسوف؟

جورج: نبني فرع للمسجد الأقصى في غزة وفرع في رام الله،وبهيك بنكون حلينا قضية الأقصى ، شو رأيك؟

احمد: والله فكرة مرتبة؛ بالك بيوافقوا عليها؟

جورج: وليش لأ،هي مفرقة معهم، ما هم مش شاطرين غير إنهم ينددوا ويستنكروا لغاية ما قرفوني أفتح التلفزيون

احمد: يا أخي انا كان نفسي في حاجة وحدة بس

جورج: شو؟؟؟؟

احمد: أشتغل في الأنفاق اللي تحت الأقصى؛بيقولوا مكسبها مضمون

جورج: وشو بدك تطلع من النفق يا فالح

احمد: إن شاالله زبالة المهم إني الاقي شغل في الاوضاع الزفت اللي احنا فيها هادي

جورج: يعني بدك تدور على هيكل سليمان

احمد: هيكل سليمان أو هيكل شارون انا شو دخلني بالسياسة؟

جورج: يا عمي هادي مش سياسة هادا دين اليهود

احمد : يا راجل شو هالدين اللي بخلي الدنيا كلها تتقاتل على أكم من متر واكم من طوبة

جورج: يعني الأقصى مجرد رمل وطوب؟!!!

احمد: آه يا حبيبي بالنسبة للعرب مجرد رمل وطوب

جورج: وأنا اللي مفكر إنو فيه سجاد كمان

احمد : هادا من جهلك يا فكيك

جورج: طيب هالحين الناس بتهب وبتشد الرحال

للاقصى،مش عيب علينا نكون بنسكر ونحشش ومش حاسين باللي بيصير حوالينا

احمد: ولك احنا بنعمة؛ بشو بدك تحس؟! بالعربي اللي ما بيفكر إلا بكرشه ونصه التحتاني ولا بشطرين الوطن اللي صارت القدس بالنسبة الهم مجرد تصريحات صحفية؟

جورج: علي الطلاق إنك صادق،اشرب يا رجل اشرب وانسى، بلا أقصى بلا كنيسة بلا بطيخ، اشرب.

+ عضو محترف +

شايفة إنه الموضوع حلو بس بهذا الشكل ما هو إلا بفكاهة
وكان من المفروض يكون بقسم الفرفشة والضحك أحسن

يسلمـــــووو محمد بااااااش ودمت في إبداع
خــــــــالــص إحتــرامــي
تــقــبــل مــروري

زائر

مممممم هو حلوة بس للاسف دايما بنغلط بالاسلوب هدول رجال يا حيف عليون مشكووووووووور محمد

+ عضو ماسي +

يسلمووووووووووووووووو

+ عضو دائم التألق +

والله ازا كل واحد بدو يعمل هيك ولا عمرنا بننتصر

ولا عمرنا بنشم ريحة النصر والجنة
لانو هادا الحكي حرام
والاقصى من المقدسات اللي لازم نقدم ارواحنا ونفوسنا لالها

يا حيف عهيك رجال والله
والله يهدي الجميع ويصيروا ايد وحدة من اجل نصرة الاقصى

والله لو يشوف العالم ايش بعملوا فينا اليهود الكلاب هالايام هاي بالضفة لغير يستخسروا انهم يكونوا من الرجال
للاسف ما حدا شايف وما حدا حاسس فينا

والله الهم كم يوم مورجينا نجوم الضهر الله ياخدهم
بتحركشوا باي واحد ومن دون سبب وهادا غير القتلى والجرخى اللي بالقدس وبالمدن التانية من المظاهرات والاشتباكات اللي بتصير
وغير سمة البدن اللي عالحواجز
والله متبهدليين اخر بهدلة
بس يا ريت حدا بحس فينا

طبعا هادا غير اللي بصير بغزة

والله يهدي جميع الناس يا رب ليدافعوا عن الاقصى لانو بالوقت هادا محتاج لرجال بكل معنى الكلمة
وربنا كبير

+ عضو محترف +

والله انو موضوع تمام وبيحكى الواقع يسلموووووووو محمد

+ عضو محترف +

يسلمو اخ محمد على كلامك
كلامك كلو بحاكي اللي بصير هان وبرا
الله يعين اهل القدس وربنا بعين اخت لمسة

يعطيك العافية على الطرح المميز

+ عضو محترف +

موضوع كثير مهم تم طرحه بقالب من الكوميديا الحزينه بس بحب اطمنك يا محمد انو جميع المسلمين طلعو عند ثقني والحمدلله كلهم كانو يتفرجو من الطور على اللي بصير بالاقصى واللي نزلو يدافعو عنوووو اعداد لا تذكر بس عند ربنااااااااااااااا عددهم اكثر من كل العالم وربي كان موقف ببكي القلب الحجر

+ عضو موقوف +

يسلموووووووووو ع مروركم الرائع تحياتي للجميع

+ عضو محترف +

يسلموووووووووووووووووووووو

» شو بدكو تشوفو اللحظة اللى بعد هيك ولا لا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
» القدس عروس عربيه ...... القدس الحره عربيه
» القدس الى أين؟؟
» لا ارى في القدس الا انت
» القدس نادت....